Laga bo soñonan bira realidat!
Tokante Plenchi di Trabou
Plenchi di Trabou ta un punto sentral unda buskadó i dunadó di trabou por akudí pa informashon i servisio riba tereno laboral. Plenchi di Trabou ta kere ku trabou ta e mihó manera pa sali for di pobresa.
Koperashon di OLB i SZW
Entidat Públiko i gobièrnu sentral ta traha huntu den Plenchi di Trabou. Mediashon laboral ta un tarea di e isla (OLB) i dunamentu di ònderstant i pèrmit di trabou ta un tarea di gobièrnu sentral (unidat SZW di RCN). Entidat Públiko i gobièrnu sentral ta traha estrecho huntu den Plenchi di Trabou. Asina por yuda buskadó i i dunadó di trabou mihó i ta fortifiká e situashon sosioekonómiko di Boneiru.
Nos metanan
Pa fortifiká ekonomia lokal i amplia abilidat pa yuda propio kurpa, Plenchi di Trabou kier realisá e siguiente metanan:
- Máksimo oportunidat pa habitantenan di Boneiru haña trabou i pasa pa trabounan mihó pagá.
- Servisio integral optimal na dunadó- di trabou i empresarionan prinsipiante.
Bo ta buskando trabou?
Plenchi di Trabou ta yuda habitantenan di Boneiru haña trabou. Esaki ta oumentá e seguridat di eksistensia i e kapasidat pa para riba propio pia. Punto di salida ta trabou, pero kaminda esaki no ta posibel, Plenchi di Trabou por duna informashon tambe tokante (re)kapasitashon, ‘coaching’ òf ònderstant. Wak aki pa tur vakatura òf yena aki bo datonan pa un kombersashon di ‘intake’.